Këto janë pamjet e aksidentit të rëndë në aksin rrugor “Korçë-Devoll”. Siç shihet në pamje makina është shkatërruar totalisht.
Automjeti mësohet ka dalë nga rruga dhe ka hyrë mespërmes trafik ndarëses.
Për pasojë ka mbetur i plagosur drejtuesi i makinës, shtetasi me iniciale O. P., i cili u transportua për mjekim në spitalin e Korçës.
Korçë/Informacion paraprak
Më datë 25.07.2023, rreth orës 09:10, në aksin rrugor “Korçë-Devoll”, pranë fshatit Çiflig, Korçë, shtetasi O. P., duke drejtuar një automjet tip “Ford”, dyshohet se ka humbur kontrollin mbi drejtimin e tij dhe automjeti ka dalë nga rruga.
Për pasojë është dëmtuar drejtuesi i automjetit, i cili u transportua për mjekim në spitalin e Korçës.
Grupi hetimor po punon për përcaktimin e shkakut të aksidentit.